Si Nanay Victoria ay 48 years old, ipinanganak sa Antipolo City at panganay sa apat na magkakapatid. Nakatapos siya ng high school at nagtrabaho bilang winding operator sa isang textile company. Tatlo ang anak nila ng kanyang asawang si Tatay Pepe. Ang panganay nilang anak ay isang undergraduate sa kursong drafting at may sarili ng pamilya. Ang pangalawa nilang anak ay nakapagtapos ng Hotel and Restaurant Management at ang bunso nilang anak ay nag-aaral ng Information Technology. Dahil may karamdaman si Tatay Pepe, ang pangalawa at bunsong anak ni Nanay Victoria ang tumutulong sa kanya sa negosyo.
Nagsimulang magnegosyo si Nanay Victoria pitong taon na ang nakakaraan. Nais niyang makatulong sa kanyang asawa na isang construction worker noon. Nagluto siya ng popcorn at matamis na mani upang madagdagan ang pangtustos nila sa pangangailangan ng pamilya. Ngayon ay nadagdagan na ng kutsinta, puto, carrot cheese cake, condensed cake, bibingka, cassava flan at repacked na mani ang kanyang mga produkto. Pangarap ni Nanay Victoria na magkaroon ng sariling puwesto at ng maraming resellers. Ipinagmamalaki ni Nanay Victoria na ang mga gawa niyang pagkain ay malinis at presyong pangmasa.
Isang suliranin sa negosyo ni Nanay Victoria ang paminsan-minsang kanselasyon ng mga order lalo na't kung nakapamili na siya ng ingredients. Nang dumating ang pandemya, naging limitado ang mga order ng mga regular customer at nagtaasan ang presyo ng mga sangkap. Hindi pa rin siya sumusuko at umaasa siyang babalik din ang dating sigla at lakas ng pangangalakal.
| Product | Price | |
| Kutsinta | Php 240 for 100pieces |  |
| Kutsinta Tub | Php 42 for 15pieces |  |
| Puto Cheese Tray | Php 300 for 100 pieces |  |
| Puto Cheese | Php 48 for 15 pieces per Tub |  |
| Carrot Cheese Cake | Php 300 per piece |  |
| Condensed Cake | Php 78 per piece |  |
| Peanuts | Php66 per tub |  |
| Repacked na Mani | Php 60 for 12 packs |  |
| Cassava Flan | Php 72 per piece |
|
| Bibingka | Php 18 per piece |  |
Contact Details: 0945-425-4689
Email: contact.iskaparate@gmail.com
Messenger: iskaparate.com
Link: https://www.iskaparate.com/ma-victoria-generalo
